تعالو
كده نسيب موضوع المؤيد والمعارض ونكون طرف محايد لمده 5 دقايق ونرجع لورا
شويه ايام ثوره 25 يناير ونقارنها بأعتصام رابعه العدويه والنهضه :
اولاً دور الاعلام المصرى فى تشويه صوره الثوار فى ثوره 25 يناير :
الاعلام المصرى كلنا عارفين ازاى كان بيتكلم عن ثوار 25 يناير وكان بيقول
عليهم انهم شويه كلاب ويومين وهيمشو من التحرير .. وكانو بيقول عليهم انهم
بيقبضو فلوس وبياخدو اكل من كنتاكى .. كان بيقول ان الخيم اللى فى التحرير
كان فيها شباب وبنات وكانو بيمارسو علاقات جنسيه كامله و بينامو مع بعض فى
الخيم .. كان بيقول ان فى التحرير ناس مش مصريه ومن دول اجنبيه ودول عربيه
شقيقه وان معاهم سلاح وبيموتو فى الشرطه .. كانو بيقولو انهم بقعدتهم دى
بيوقفو حال البلد وانهم بيولعو فى الشوارع وبيقفلو الشوارع وانهم مش سلميين
خالص
دور الاعلام بقى فى تشويه صوره الثوار فى رابعه العدويه
والنهضه : نفس الكلام لو تلاحظ اللى كان بيتقال ايام ثوره 25 يناير ..
بيقولو ان اللى فى رابعه دول يومين وهيمشو خليهم يفرحو شويه .. بيقولو انهم
بيتدفعلهم فلوس وبيتوزع عليهم وجبات علشان يفضلو قاعدين .. بيقولو ان فى
نكاح الجهاد فى خيم رابعه العدويه .. بيقولو انهم موقفين حال البلد وقافلين
الطرق وبيولعو فى الشوارع .. بيقولو ان فى عناصر سوريه وفلسطينيه ومن حماس
وسطيهم ومعاهم سلاح وبيقتلو فى الشرطه والجيش lمع زياده كدبه انهم بيقتلو
فى المعارضين لمرسى
ولو تفتكرو هما هما نفس المذيعين اللى كانو ضد
ثوار التحرير هما هما المذيعين اللى ضد ثوار رابعه العدويه مع زياده كام
مذيع لسه طالعين جديد من نفس الصنف الزباله
ثانياً التضليل
والتعتيم الاعلامى فى ثوره 25 يناير : قفلو كل القنوات اللى كانت مؤيده
للثوار واقتحمت مكاتب الجزيره والعربيه علشان يمنعوهم من البث علشان يعملو
تعتيم المشهد فى التحرير ويقولو ان مفيش ثوار ويعملو اللى هما عايزينه من
غير ما حد يعرف .. مع ان قناه الجزيره اللى دلوقتى بيقولو عليها انها بتكدب
وبتجيب اخبار غلط لو تفتكر هى هى نفس القناه اللى كانت بتجيب الحقيقه فى
ثوره 25 يناير وبتجيب الشرطه وهى بتموت فى الثوار وكانت دايما بتفضحم ..
فنفس الوقت اللى كان فيه الاعلام المصرى بيجيب اماكن فاضيه ويقول انه عدد
المعتصمين قليلين ومفيش حد فى التحرير وكان بتضلل الحقائق وبتجيب فيديوهات
كدابه ودايما تجيب صور البلطجيه المخربين وبتقول عليهم ان دول ثوار 25
يناير وبتقول انهم بيخربو وبيدمرو مع انهم لا ينتمون لثوار 25 يناير بصله
بس الاعلام المصرى كان بيروج لانهم من ثوار 25 يناير علشان يشوهو منظر
الثوره والثوار
التضليل فى اعتصام رابعه العدويه والنهضه : برضه
نفس اللى حصل ايام 25 يناير حصل مع معتصمين رابعه العدويه والنهضه وتم غلق
كل القنوات المؤيده لهم ومحاوله التشويش على قناه الجزيره والقنوات اللى
بتبث من خارج مصر علشان محدش يعرف اى حاجه عن المعتصمين فى رابعه والشرطه
تعمل اللى هى عيزاه من غير ما حد يشوفها .. مع ان زى ما قلتلك هى هى نفس
قناه الجزيره اللى كلنا كنا عارفين دورها فى اظهار الحقيقه فى ثوره 25
يناير ودلوقتى بتقولو عليها انها كدابه .. والاعلام المصرى بيجيب كام صوره
وكام فيديو مترتبين ومتخطط ليهم ومتفبركين وبتقول ان المعتصمين فى رابعه
بيقتلو وبيدمرو وبيكسرو مع ان اللى بيعمل كل ده البلطجيه اللى كانو ايام 25
يناير اللى كانو بيعملو نفس اللى بيعملو دلوقتى وبيتصورو على اساس انهم
ثوار اعتصام رابعه والنهضه
ثالثاً الداخليه ودورها فى ثوره 25
يناير : طبعا كلنا كنا بنشوف الداخليه والامن المركزى كانو بيعملو ايه فى
ثوار 25 يناير وعمليات السحل اللى كانت بتحصل وضرب المتظاهرين والاعتداء
عليهم بدون رحمه وكان كل ده قدام عنينا ومكنش طبعا التلفزيون المصرى بيجيب
ده كان اللى بيجيب ده قناه الجزيره بس اللى دلوقتى بنقول عليها انها كدابه
وبتضلل الحقائق .. وكنا بنشوف ازاى الشرطه كانت بتتعامل مع المصلين اللى
كانو بيصلو على كوبرى قصر النيل ومكنش فى اى انسانيه ولا دين فى قلبهم
وكانو بيرشو عليهم مايه ومسيل للدموع وبتحاول تفرقهم وهما بيصلو
الداخليه ودورها فى اعتصام رابعه والنهضه : كنا بنشوف ازاى الداخليه كانت
بتضرب نار على المعتصمين والمسيرات المؤيده للرئيس مرسى وازاى كانت بتضرب
المتظاهرين وبتسحلهم وبتعتدى عليهم من غير اى ادميه وطبعا زى ما كان بيحصل
فى ثوره 25 يناير التلفزيون المصرى مبيجبش ده خاااالص واللى بيجيب ده قناه
الجزيره والقنوات المحايده اللى عندها شرف المهنه الاعلاميه وبتعمل بيه ..
وازاى الشرطه اللى كانت بتتعامل مع المصلين فى ثوره 25 يناير هى هى اللى
بتتعامل مع المصلين فى الجوامع وضرب قنابل الغاز داخل الجوامع وعدم مراعاه
حرمه المساجد .. وزياده عن ده ضرب نار على المعتصمين الساجدين امام الحرس
الجمهورى ومدينه العريش
رابعاً حرق المنشأت فى القاهره والمحافظات
واتهام متظاهرين 25 يناير بأنهم هما اللى بيعملو كده : لو فاكرين ايام
ثوره 25 يناير كانو البلطجيه بتحرق المنشأت العامه زى ماسبيرو و دار الكتب
والاقسام والكنائس والمنشأت العامه والاعلام المصرى بيتهم ثوار 25 يناير فى
كده مع اننا كلنا عارفين ان اللى كان بيعمل كده بلطجيه .. بس كانو عايزين
يعملو تشويه وفتنه ضد ثوار 25 يناير ويقولو للعالم انهم بيحرقو وبيدمرو
حرق المنشأت فى القاهره والمحافظات واتهام ثوار اعتصام رابعه العدويه
والنهضه بانهم هما اللى عملو كده : دلوقتى بيتكرر نفس المشهد اللى كان
بيحصل فى ثوره 25 يناير وان البلطجيه بتحرق الكنائس والاقسام وغيرها من
المنشأت العامه والاعلام المصرى بيتهم مؤيدين الرئيس مرسى بأنهم بيعملو كده
مع انهم نفس البلطجيه اللى كانو ايام ثوره 25 يناير ونفس الاعلام اللى كان
بيلفق تهم للثوار فى 25 يناير
خامساً الدول المعارضه لثوار 25
يناير : لو تفتكرو ان كان فى 6 دول معارضين لثوار 25 يناير وكانت ضدهم
ومتخذوش اى قرار واحد مؤيد للثوار اللى هما ( امريكا _ اسرائيل _ الامارات _
الكويت _ السعوديه _ البحرين ) .. وباقى كل الدول كانت بتسحب سفرائها
وبتوقف معاملتها مع مصر وكانت ضد التعامل الغاشم من الداخليه لثوار 25
يناير
الدور المعارضه لمعتصمين رابعه العدويه : لو تشوف هتلاقى
نفس الدور اللى كانت معارضه لثوار 25 يناير هما هما المعارضين للثوار فى
رابعه العدويه والنهضه وباقى الدول سحبت سفرائها من مصر ووقفت العلاقات مع
مصر علشان المجزار اللى بتشوفها من الداخليه
واخر حاجه عايز
اقولها : ان الاخوان اللى بيتكلمو عليهم دلوقتى كانو من ضمن ثوار 25 يناير
وكانو بيموتو من الداخليه والبلطجيه ومكنش معاهم سلاح ومكانوش بيحرقو ولا
بيكسرو وبيخربو ومكانوش بيعملو نكاح الجهاد ومكانوش بيتاجرو بالدين وكانو
نازلين لقضيه بلدهم مش لاى قضيه تانيه ومكنش بياخد فلوس ولا بياكل من
كنتاكى وكان بيجيب اهله وعياله وبينزل التحرير مكنش بينزل لوحده
فكرو شويه بعقل حيادى دون النظر لاى اخبار وتضليل من الاعلام وانتو هتعرفو
ان اللى كان بيحصل فى ثوره 25 يناير هو هو اللى بيحصل دلوقتى بس للاسف
الناس من كتر التضليل بتصدق كدب الاعلام المصرى اللى كلنا عارفين انه كداب
ومع مصلحته مش مع مصلحه البلد او مصلحه الثوار
وعلى فكره انا مش اخوانى ولا انتمى لاى فصيل سياسى .. انا بس حسبتها بعقلى وعرفت مين اللى كداب ومين اللى مظلوم ومعاه الحق
انت كمان احسبها بعقلك وانت تفهم كل اللى بيحصل
شارك هذا الموضوع مع أصدقائك فلك جزيل الشكر !
