الرد علي أغنية علي الحجار أنتوا شعب وأحنا شعب



يا خبيث يا لعين يا نصير الظالمين
مصر دايماً شعب واحد ربها نعم المعين
مصر على طول الزمن
امة واحدة مش امم
شعبها الشعب الكريم
ربها رحمن رحيم
وانت يا شيطان رجيم
مش هاتقسم شعبها
يا خبيث يا لعين يا نصير الظالمين
مصر دايماً شعب واحد ربها نعم المعين
مصر ليها رب واحد
للي واقف واللي ساجد
كان غني أو كان فقير
حر أو حتى اسير
شعبها للرب عابد
في الكنايس و المساجد
وإنت يا شيطان رجيم مش هاتقسم شعبها
يا خبيث يا لعين يا نصير الظالمين
مصر دايماً شعب واحد ربها نعم المعين



احنا شعب وانتوا شعب
احنا خدنا العفه رايه
والشرف مبدأ وغايه
وانتوا شعب من العرايا

واعتبرتوا الجنس حب
احنا شعب وانتوا شعب

احنا ناس طالبين سلام
عدل ..رحمه ..مش كلام
انتوا ناس رافعين سلاح
واحنا ناس بنقول يارب
احنا شعب وانتوا شعب

مصر بالنسبه لنا ازهر
مصر فى القرآن كنانه
مش مجرد اوضه تسهر
فيها بين احضان فلانه
مصر يوسف والخليل
ارض ربى وهبها نيل
احنا عايزين خيرها ليها
وانتوا نازلين فيها نهب
احنا شعب وانتوا شعب

احنا شعب المؤمنين
بالكتاب ورسول أمين
غيرنا رب العزه قاله
ليكو دينكم ولينا دين
احنا ايوه .. تابعين
للنبى الهادى الامين
قولى انتوا ... فكركم
رأيكم .. تابع لمين

احنا سجده تزيل همومنا
او جلسه صحبة صالحين
وانتوا رقص وليل ومغنى
وسط حبة مخمورين
احنا بتزورنا الملايكه
وانتوا شلة شياطين
احنا شعب وانتوا شعب

احنا ندعو للايمان
تتفتح لينا السجون
وانتوا تدعو للشيطان
والزنا ....وللمجون
عشان يعيش امثالكوا لازم
نتقتل من غير أى ذنب
احنا شعب وانتوا شعب


ايوه احنا شعب وانتو شعب
والرب واحد ياللى معدكش ادب

نزلتونا من حسبتكم
بس حاسبم لينا رب

وسجنتم ريــــسنا
وكان لينا احن اب

عايزين ليه ؟تقسمونا
وتقلبوها علينا حرب

ايوة احنا شـــعب وانتو شعب
والرب واحد ياللى معدكش ادب

انتم فى احضان العرايا
واحنا اتربينا على الأدب

اشى بوس وكمان احضان
وشرب خمر ومزاج عنب

واللى كويا شعر سلك
وبتخاف من الميه
واتهمتنا بالجرب

ايوة احنا شعب وانتو شعب
والرب واحد ياللى معدكش ادب


اتهمتونا اننا بلا اسلام كلنا
ومنكم هنتعلم الدين
من غير ماننطق من غير سبب

سورة طلع البدر علينا
و4 مبشرين وارتضينا
وبكره هنشوف العجب

ايوة احنا شعب وانتو شعب
والرب واحد ياللى معدكش ادب


فى حياتكم اتلهيتم
والزوجه فى حضن الغريب
رجال ورق من غير شنب

صدرتولنا كل فاسد
كل عاهر كل داجن
وشوفنا منكم الشغب

بتقولوا على العك فن
طب اصبروا
ترقبوا ثوره غضب

ايوه احنا شعب وانتو شعب
والرب واحد ياللى معدكش ادب

هتموتوا ليه من النقاب
واللحيه قدامكم عذاب
بكره هتشوفوا العقاب
وثورةبركان غضب

ايوه احنا شعب وانتو شعب
والرب واحد ياللى معدكش ادب

كنا بنبكى على الآيات
وانتو بتبكم عــ الطرب

من عرقنا شغالين
وفلوسكم ايه ؟؟
وبتيجى منين من غير تعب !!

اه يا بشر ليه قلبتهم الميزان
والمظلوم فيكى اتغلب
وصاحب الحق اتركب

ايوه انتو شعب واحنا شعب
والرب واحد ياللى معدكش ادب

نساءنا بتعرف الحياء
وانتو عرايا من غير ادب
يا للعجب !

ايوه شعب وانتو شعب
احنا شرق وانتو غرب
--------------------------------------------------------------------------------------------
شارك هذا الموضوع مع أصدقائك فلك جزيل الشكر !

هذا الموضوع كتبته يوم السبت، 12 أكتوبر 2013 ضمن تصنيف فأن اصبت فمن الله وحده و ان اخطات فمن نفسي و الشيطان . يمكنك نقل اي موضوع من المدونة بشرط ذكر المصدر و ذكر رابط الموضوع الاصلي للاتصال او الاستفسار عن اي موضوع من هنا.
chievoonline.blogspot.com